Tamba-sa Islamiku sira la simu Jesus nudar Maromak ?

Iha forum diskusan entre religaun, hau iha evidensia balun ne'ebe sai sasukat ba diskusaun entre Islam no Kristaun, impaktu prinsipal husi diskusaun neé mak Islam la konkorda katak, Jesus ne'e Maromak, hanesan ema kristaun sira fiar.

Tamba sa mak Islamiku sira la simu Jesus nudar Maromak?

Tuir alquran ne'ebe sira fiar, Muhammad hanorin hela ba sira atu ema hotu-hotu tenke hatene no domia carta Al-Ikhlas 112, "Hateten ba,,,,,, Nia mak Maromak, Maromak la Oan no laiha Oan.". dutrina ida neé haensan base importante liu neébe kuda hela iha sira nia fiar ba maromak, baseia ba carta Al-Ikhla ida ne'e mak sira la simu no la aseita katak, Jesus mak Maromak.

Iha parte seluk sira mos hare'e Biblia Sagrada hanesan tuir mai ne'e:

Joao 14:28- " Imi rona katak haʼu dehan ba imi: ‘Haʼu sei bá no haʼu sei fila fali ba imi’. Se imi hadomi haʼu, imi sei haksolok tanba haʼu atu laʼo ba Aman, tanba Aman mak boot liu haʼu.

Deuteronomio 4:35- " Buat sira-neʼe hotu hatudu ona ba imi hodi imi hatene katak Jeová mak Maromak neʼebé loos; la iha Maromak seluk, só nia deʼit.

Deuteronomio 6:4- 5 " Rona bá, oh ema Izraél: Jeová ita-nia Maromak mak Jeová mesak ida deʼit.  Imi tenke hadomi Jeová, imi-nia Maromak, ho imi-nia laran tomak, ho imi-nia moris tomak no ho imi-nia kbiit tomak.

Baseia ba Carta Al-Ikhlas 112 no Biblia Sagrada kapitlu 3 neée temi iha leten, Joao 14:28, Deuteronomio 4:35 no Deuteronomio 6:4- 5, mak hanesan base fundamental no sasukat ba sira, tamba Jesus rasik mos hateten katak, Jeová mak Maromak neʼebé loos, la iha Maromak seluk, só nia deʼit no Aman mak boót liu Jesu, signifika katak Jesus laos Maromak.

Hakarak hateten katak, perkupasaun sira ne’ebe ita hetan iha Biblia, so Biblia rasik mak fo nia solusan, ita labele lori Biblia husi religaun seluk atu interpreta buat ne’be hakerek iha ita nia Biblia rasik.

Maluk sira keta laran susar, keta lakon esperanas basa, Jesus nia liafuan neébe temi iha leten, la-signifika katak Jesus laos Maromak, tamba iha kapitlu balun iha Biblia mos hateten katak Jesus neé Maromak hanesan tuir mai neé:

Joao 10:30- “Haʼu ho Aman ida deʼit.”

Joao 14:9- “Jesus hatete ba nia: “Haʼu hamutuk ho imi ba tempu kleur ona, entaun Filipe, tanbasá mak ó seidauk hatene haʼu? Ema neʼebé haree ona haʼu, haree ona mós Aman. Nuneʼe, tanbasá mak ó dehan: ‘Hatudu Aman mai ami’?

Joao 10:38- “Maski imi la fiar ba haʼu, maibé se haʼu halo serbisu neʼe, imi tau fiar ba serbisu neʼe,  atu nuneʼe imi bele hatene no kontinua hatene katak Aman hamutuk ho haʼu no haʼu hamutuk ho Aman.”

Genesis 1:26- " Tuirmai Maromak dehan: “Mai ita  kria ema tuir ita-nia ilas, atu hanesan ho ita,  no sira sei domina ikan sira iha tasi, animál neʼebé semo, animál maus sira no rai tomak no mós animál seluk iha rai.

Kapitulu ida neeé Maromak halo komunikasaun interna ba buat ruma, atu sira bele hamutuk hodi halo kriasaun ba ema, se maromak mesak los, tansa maromak sei koalia katak, Mai ita kria ema tuir ita-nia ilas.

Joao 1:1-3- " Horiuluk kedas iha ida neʼebé hanaran Liafuan, no Liafuan neʼe hamutuk ho Maromak  no Liafuan neʼe hanesan maromak ida. Nia hamutuk ho Maromak horiuluk kedas. Liuhusi nia mak buat hotu mosu, no la iha buat ida neʼebé mosu se la liuhusi nia.

Matesu 28:19- " Neʼe duni, laʼo bá no hanorin ema husi nasaun hotu, atu sai haʼu-nia dixípulu, fó batizmu ba sira  hodi  Aman, Oan no espíritu santu nia naran.

Filipe 2:11- " No sira hotu tenke fó sai iha ema nia oin katak Jesus Kristu mak Naʼi  neʼebé lori glória ba Aman Maromak.

Biblia hanorin katak, Maromak Trindade, individu 3 iha hakekat ida, ida ne'e laos kontradisaun, tamba, individu no hakekat nee buat rua ne'ebe lahanesan, O nia hakekat katak, O hanesan saida!! sedangkan, o nia individu katak, O ne'e se!!.

Exemplo, Hau nia hakekat hanesan umanu, hau nia individu mak Arnol, Hakekat Maromak ida, mak Maromak iha individu tolu mak,Maromak, Maromak Oan no Espiritu Santu.

Tamba ne'e Jesus nudar Maromak oan, laos refere ba nia Isin no ran, maibe'e refere ba nia kna'ar, tamba ne'e mak Jesus hateten "Aman mak Bo'ot liu Hau." maibe'e iha fatin hanesan sira nai-rua Maromak hotu.

Exemplo, Hau nia director bo'ot liu hau iha kantor iha kontext kna'ar, maibe'e director no hau iha hakekat ne'ebe hanesan nudar ema-umanu, hau ki'ik iha kontextu individu no knar, maibe'e ami nain-rua hanesan ema-umanu hotu, tama ne'e Aman Maromak bo'ot liu Jesus iha kontextu knar, maibe'e sira nain-rua hakekat ida mak Maromak.