INTRUDUSAUN KONA-BA BLOG IDA NEÉ

Blogu ida neé ho intensaun atu responda ba perguntas sira neébe mai husi religaun seluk, nomos fo hanoin mai ita atu bele aprende hodi kompriende kana-ba fiar kristaun nian.

Iha pergunta barak mai husi religaun seluk kona-ba Maromak no Jesus Kristu, tamba sira fiar katak Jesus laos Maromak maibeé hanesan prefeta ida, Jesus laos Maromak oan, basa Maromak labele iha oan no hahoris oan.

Iha alquraan QS 112:3- "Alla tidak beranak dan tidak pula di peranakkan.

Dala barak ita laiha tempu atu leé ita nia Biblia rasik, tamba ita preukupa liu ba mundo nia soin, ema balun iha tempu naton atu leé no komprende kona-ba Biblia, maibeé balun mos nunka le Biblia iha nia moris tomak.

Ita labele laran metin ba hahan sira ne'ebe mai husi mundu, hodi fo han ba isin neébe halo husi mundo, maibeé
Ita presiza buka hahan iha mundo liu husi Maromak nia lian fuan sira, hodi fo han ba klamar ne'be mai husi lalehan.

Mateus 4:4- "Jesus hatan; Hakerek nanis ona; Ema labele moris deit ho paun, maibeé ho liafuan hotu neébe sai husi Jeova nia ibaun

Mateus 5:6- "Ksolok ba sira neébe hamlaha no hamrok ba buat neébe los tamba sira sei sai bosu.

Maromak fo livre mai ita atu desidi no hili saida mak ita hakarak, tuir ida-idak nia fiar, maibeé keta haluha katak Maromak mak halo kriasaun ba buat hirak neé hotu.

Ita ema kriatura mak iha dignidade no valores as liu kompara ho anjus sira iha lalehan, basa Maromak fo liverdade mai ita atu hili no desidi buat ruma tuir ida-idak nia hakarak, maibeé anjus sira iha lalehan maromak fo limitasaun hodi kompri deit saida mak Maromak orienta ba sira atu halo, Maromak la fo liberdade ba sira atu desidi saida mak sira hakarak hanesan ema kriatura.

1 Joao 4:4- "Oan doben sira, imi mai husi Maromak, no imi manán ona ema sira-neʼe, tanba nia neʼebé ida deʼit ho imi mak boot liu fali nia neʼebé ida deʼit ho mundu.

Mateus 10:28- " Keta tauk ba sira neébe oho isin-lolon maibeé la iha kbiít atu halakon moris. Maibeé imi tenke tauk ba ida neébe iha kbiít atu halakon no isin-lolon Gehena.

Keta tauk no hakruk ba buat at sira iha mundu, basa sira laos nain ba ita, keta fiar ba tentasaun mundu nian, basa sira lahatudu dalan los ba ita no keta adora ba buat at sira iha mundu basa sira la fo moris rohan laek mai ita.