KONA-BA STATUA SIRA

Tuir lolos ita koalia kona-ba religaun sei laiha rohan, maibeé la signifika katak ita labele debate kona-ba religaun.

Kristaun Katolika Adora Statua sira ka lae?
Pergunta ida neé ema wain ba wain mak husu, liu-liu ita nia maluk islamiku sira, tamba sira hareé katak ita katolika bainhira reza sempre hakneak iha statua nia oin, balun reza toó tanis no balun mos reiín statua refere.

Tuir sira nia hareé katak, Maromak rasik bandu ona atu ema labele adora no halo statua sira neébe temi iha biblia hanesan tuir mai neé;

Exodo 20:4-5- "Imi labele halo estatua ba imi-nia an ka halo buat naran deit atu reprezenta buat neébe iha lalehan ka iha rai ka iha beé laran, Imi labele hakruúk ba sira ka serbi sira, tamba hau, Jeova imi-nia Maromak, mak Maromak neébe hakarak ema atu adora hau mesak deit.

Isaias 42:8- "Hau mak Jeova. Neé mak hau nia-naran, Hau la fo hau nia gloria ba se deit, no la fo hau-nia hahií ba estatua sira.

Deuteronomia 4:23- "Kuidade ba atu imi labele haluha aliansa neébe Jeova, imi-nia Maromak, halo ona ho imi, no keta halo ba imi-nia an estatua tuir modelu naran deit neébe Jeova, imi-nia Maromak bandu.

1 Joao 5:21- "Oan doben sira, hadook an husi estatua.

Atu responde kona-ba pergunta iha leten katak;
Kristaun Katolika nunka adora statua sira, klaru que iha igreja sempre iha statua nain feto, santu no santa sira, statua sira neé hanesan instrumentu ida atu hasaeé orasaun ba Aman Maromak, la signifika katak adora estatua neé rasik, tamba Maromak bandu ho lian makas dehan Adora Nai Maromak Mesak ida deit, iha parte seluk mos prezensa statu atu fo hanoin mai ita katak, ema (statua) sira neé uluk moris duni iha mundu hanesan ita, hodi fo hanoin mai ita atu ita labele haluha sira iha ita nia moris tomak.

Kona-ba halo statua;
Kuando ita halo statua ho intensaun atu adora, neé lalos no sala, maibeé ita halo statua ho intensaun hanesan simbolu ida atu kompleta fasilidades fiar nian neé bele, tamba Maromak rasik mos fo orientasaun ba Moises atu halo statua haensan tuir mai neé;

Exodo 25:1,18-20- "Tuir mai Jeova dehan ba Moises, "O tenki halo kerubin rua husi oran-mean hodi uza martelu no tau iha Arka matan nia leten iha sorin-sorin, O tenki halo kerubin rua iha Arka matan nia sorin-sorin, kerubin ida iha sorin ida no kerubin seluk iha sorin seluk, Kerubin sira-neé nia liras rua tenke loke ba leten hodi taka Arka nia matan ho sira-nia liras, no sira sei fila oin ba malu, no kerubin sira-neé nia oin sei hakruúk ba Arka nia matan".

Husi Exodo 25:1,18-20- ita hatene katak, maromak rasik haruka Moises atu halo kerubin/anjus, kerubin rasik laos maromak no la presiza adora, maibeé kerubin hanesan imagen kriasaun maromak, hanesan mos statua nain-feto, santu no santa sira, ita respeita sira tamba sira azuda no hatudu dalan los mai ita atu ita fiar maromak mesak ida deit.

Fila fali ba perguntas geral!!!,,